點解聯儲局要推「唔係QE」呢？
星期五聯儲局公布會由10月15日起星期五聯儲局公布會由10月15日起，開始購買美國國庫票據，以重新擴大資產其資產負債表規模。
- 聯儲局公開市場委員會 (FOMC)係聲明中指出，購債行動主要係用來確保儲備供應「充足」，令其「支持位」利率制度 (Floor System)有效運作。
- 主席Jay Powell係早前一個演講就預告左呢個行動，並強調呢類國債購買行動，同之前嘅 大規模資產購買計劃唔同，唔係用黎增加對實體經濟嘅刺激，更重申「唔係QE」。
點解唔係QE？
較為技術性嘅講法，QE 係指央行透過購買長年期債券以壓低長債息率，一來令投資者將資金 轉投較高風險嘅項目，二來長債低定可以令長綫投資既融資成本下降。
咁聯儲局買債黎做咩？
要留意聯儲局今次只係買國庫票據，即係年期短過一年嘅國債，係呢一點就同QE 定義唔一樣
聯儲局關注嘅係現時銀行體系內嘅儲備總是太少，令佢唔可以用「支持位」制度控制利率。
理論上，銀行體系嘅儲備需求曲綫係在向下傾，即係當持有儲備嘅成本下降，對儲備嘅需求量 就會增加。直至某一點，銀行體系認為儲備量充足有餘， 多一啲少一啲都無分別， 咁儲備需求曲綫就會變成橫綫， 供應改變唔會可以改變利率既均衡水平。
聯儲局現行嘅利率機制，就係要儲備供應維持係高於充足嘅水平，令佢可以轉以儲備利率 (Interest on reserves)及隔夜逆回購利率 (overnight reverse repo)呢兩項佢全權控制嘅利率，黎調控貨幣市場利率。儲備利率 (Interest on reserves)及隔夜逆回購利率 (overnight reverse repo)呢兩項佢全權控制嘅利率，黎調控貨幣市場利率。
好處係聯儲局唔再需要每日用公開市場操作，向銀行買賣國債黎增減儲備量，以調控利率。
問題係，經過幾年出售手上經QE買返黎嘅持債，聯儲局可能回收左太多儲備，令儲備供應總量回落去低於「充足」，即係儲備供求去返需求曲綫右下傾嘅部份，咁就唔可以再用IOR控制利率。而儲備供應低於「充足」，亦係上月repo息率突然抽升的可能成因之一。
所以，聯儲局就決定持續透過買短債，補充儲備供應，以確保供應高於充足，令其IOR主導嘅利率制度可以繼續如常運作。
